شبيه القمر
عدد الرسائل : 104 العمر : 33 المزاج : حلووووو رومنسي تاريخ التسجيل : 24/08/2007
| موضوع: سلوم القول والرد فالمجالس <<<اتعلموا الجمعة سبتمبر 07, 2007 4:37 pm | |
| بسم الله الرحمن الرحيم
قليل من الناس في قطر والخليج مايعرفون يردون لين احد قال لهم شي فالمجلس او
مايعرفون وشيقولون للموجودين فهذا
الشي مب عيب ولازم يسألون واحد يعرف وانا مااقول اني عارف كل شي بس تعلمت
من اللي اكبر مني وأعلم مني والعليم الله
اول ماتدخل المجلس اخي القارء طبعا تسلم على الموجودين كلهم ياأما بالخشم او
بالليد بس او بالخد على حسب معرفتك بالشخص اذا تعرفه من زمان تسلم عليه خشم
او خد واذا ماتعرفه الا معرفه سطحيه فتسلم عليه باليد واذا جيت تسلم على شخص
كان جالس ماقام وعرفت انه معذور في هالشي بيقوول لك عز الله مقامك فأنت ترد
عليه وتقول الله يعز مقدارك واذا عرفت انه مايبي يقوم بدون عذر فطنش له هههه
وبعدها تجلس وقبل لايجيبون لك القهوه تتحفا الموجودين يعني تسألهم عن احوالهم
وعلومهم وبعدها تتقهوى ويمكن بعضهم يحبون يحرجونك وانت ماعندك حلال ويقولون لك
شحال الذود فرد عليهم وقول لهم جعلكم بزود هههههههه او وش حال الادباش
رد وقول ماعاد منهاش عشان توريهم انك تعرف هههههههه
واذا شفت الفنجال ممتلي قهوه اعرف انك لازم تتقهوى وتطلع لأنك ضيف مب مرغوب
فيه هههههه بس بعضهم بدون قصد يترسون الفنجال ولاتفهمهم غلط للعلم
واذا احد قال لك الله حيه ترد وتقول الله يحييك ويبقيك وذا حد قال لك لاتعبت ترد عليه
وتقول له لاندمت واذا احد بدون قصد عطاك شي بيساره بيقول لك يسارن ماتشناك
فترد عليه وتقول له يسارك يمين
واذا احد قال لك ماجور فرد عليه وقول له الله يجيرك من النار
وطبعا لي تعشيت عندهم لي خلصت عشاك تقول لهم
الله يغنيكم او جعل والديكم الجنه وهم بيردون عليك جعل فيه العافيه وتحمل تقلب
الذبيحه تراك يمكن تكون مكانها لان هالشي عيب ههههههه
وأذا طلبت شي من احد وعطاك اياه تقول له الله لايهينك وهو بيرد عليك ومن قال لاهان
او ومن قال
واخيرا اذا طلعت من مجلسهم تقول لهم يالله ماتامروني بشي طبعا اكثرهم بيقول لك
ابد سلامتك
وعقبها تقول اكرمكم الله وتطلع وتقرا وانت طالع دعاء الخروج من المجلس
والله المستعان | |
|
|!°• شموخ •°!| .×المراقب الـ ع ـام ×.
عدد الرسائل : 1444 المزاج : رضيت أعيش في حبه ولو أصبحت مفتونه تاريخ التسجيل : 22/08/2007
| موضوع: رد: سلوم القول والرد فالمجالس <<<اتعلموا الثلاثاء سبتمبر 11, 2007 9:01 pm | |
| ههههههههههههه بصراحهـ موضووع روووعهـ
اشكــــــــر فنكــ
سلمت شبيهوه ع ها الطرح الرائـ عـ ...
تقبل مرورياختك .. شموخ .. | |
|
بـ راكان ـو عضـو مميز
عدد الرسائل : 430 العمر : 35 المزاج : طنش تعش تاريخ التسجيل : 18/09/2007
| موضوع: رد: سلوم القول والرد فالمجالس <<<اتعلموا الجمعة نوفمبر 30, 2007 9:39 am | |
|
هههههههههههههههههه
والله انه موضوع كووول
ايووه كما تعودنا عليك
عطينا من هاذيك المواضيع السنعه
وجزاك الله الف خير
| |
|
سعادة الملياردير
عدد الرسائل : 12 العمر : 40 المزاج : متفائل بالخير دايما تاريخ التسجيل : 17/03/2008
| موضوع: رد: سلوم القول والرد فالمجالس <<<اتعلموا السبت أبريل 05, 2008 12:43 am | |
| الموضوع فنان ابصراحه و شي طيب لما الواحد يتعلم هالكلمات البسيطه من الناس شو يقولوا عند العرب حتى ما يحرج نفسه جدام العرب و تسلم اخوي ما قصرت على الموضوع و يعطيك الف عافيه | |
|